२३ चैत । वीरगञ्ज स्थित गहवामाईको निशानसहितको डोली यात्रा सम्पन्न भएको छ ।
वीरगञ्ज महानगर र आसपासका दर्शनार्थीको उपस्थितिमा धार्मिक परम्पराअनुसार मन्दिरभित्रबाट डोली यात्रा सुरुवात भएको थियो । मन्दिरका मूल पुरोहित राधेश्यामप्रसाद उपाध्यायले डोली तथा निशान पूजाको सम्पूर्ण धार्मिक परम्पराअनुसारको अनुष्ठान पूरा गरेपछि डोली यात्रा निकालिएको जानकारी दिएका छन ।
डोली यात्रा गहवामाई मन्दिर प्राङ्गणबाट सुरु भई वीरगञ्जको रोड नं २ हुँदै विर्तामाई मन्दिर,अलखिया मठ,महावीर मन्दिर,घण्टाघर हुँदै गहवामाई मन्दिर प्राङ्गणमा आएर समापन भएको थियो ।
