लाइभ कार्यक्रममा तमिल सुपरस्टार बेहोस, हलचल मच्चियो

बेहोस अवस्थामा अभिनेताको तस्बिर भाइरल भएपछि उनको टोलीले आधिकारिक नोट जारी गर्दै उनको स्वास्थ्यको बारेमा अपडेट दिएको छ। नोटमा भनिएको छ, ‘हामी अभिनेता विशालको स्वास्थ्य सम्बन्धी हालैको समाचारलाई स्पष्ट पार्न चाहन्छौँ। ट्रान्सजेन्डर समुदायले आयोजना गरेको कार्यक्रममा प्रमुख अतिथिको रूपमा पुगेका अभिनेता विशाल थकित महसुस गरे। पछि पुष्टि भयो कि उनले त्यो दिउँसोको खाना खाएका थिएनन्। उनले जुस मात्र पिएका थिए, जसका कारण उनको उर्जा कम हुँदै गयो। उनलाई अस्पताल लगियो, जहाँ डाक्टरहरूले उनको जाँच गरे। भाग्यवश चिन्ता लिनुपर्ने केही छैन। मेडिकल टोलीले विशाल ठिक रहेको पुष्टि गरेको छ र उनलाई नियमित रूपमा खाना खान सल्लाह दिइएको छ। उनी आराम गर्दै छन् र निको हुँदै छन्।