मौसम पूर्वानुमान महाशाखाका अनुसार हाल कोशी, मधेश, बागमती, गण्डकी र लुम्बिनी प्रदेशका केही भू-भागमा मनसुनी वायुको प्रभाव रहेको छ ।
साथै देशको पश्चिम भू-भागमा पश्चिमी वायु तथा स्थानीय वायुको आंशिक प्रभाव रहेको छ । भारतको पश्चिम बंगाल आसपासको क्षेत्रमा बनेको न्यूनचापीय क्षेत्रको समेत आंशिक प्रभाव रहेको महाशाखाले जनाएको छ ।
आज दिउँसो साधारणतया देशभर बदली हुनेछ । पहाडी भू-भागका केही तथा बाँकी भू-भागको थोरै स्थानमा मेघ गर्जन र चट्याङसहित हल्कादेखि मध्यम वर्षा हुनेछ ।
कोशी, बागमती र गण्डकी प्रदेशका एक-दुई स्थानमा भारी वर्षा हुन सक्ने महाशाखाले जनाएको छ । उच्च-पहाडी तथा हिमाली भू-भागका केही स्थानमा हल्का वर्षा र हिमपातको सम्भावना छ । कोशी र मधेश प्रदेशका तराई भू-भागका केही स्थानमा हवा हुरिको पनि सम्भावना छ ।
त्यस्तै आज राति पनि साधारणतया देशभर बदली हुनेछ । पहाडी भू-भागका केही तथा बाँकी भू-भागको थोरै स्थानमा मेघ गर्जन र चट्याङसहित हल्कादेखि मध्यम वर्षा हुन सक्नेछ ।
कोशी, बागमती, गण्डकी र लुम्बिनी प्रदेशका एक-दुई स्थानमा भारी वर्षा पनि हुन सक्ने महाशाखाले जनाएको छ । उच्च-पहाडी तथा हिमाली भू-भागका केही स्थानहरू हल्का वर्षा र हिमपातको सम्भावना छ ।
