काठमाडौँबाट इलामतर्फ जाँदै गरेको बागमती प्रदेशको नम्बर ३–००१ ख २७२९ बसले गए राति करिब १२:५० बजे अन्दाजी ४५/५० वर्ष उमेरका पुरुषलाई ठक्कर दिएको थियो ।
घटनापछि गम्भीर घाइते भएका पुरुषलाई उपचारका लागि बर्दिबास अस्पताल लगिएको थियो । तर, उपचारकै क्रममा राति साढे १ बजे उनको मृत्यु भएको जिल्ला प्रहरी कार्यालय महोत्तरीका प्रवक्ता, प्रहरी नायव उपरीक्षक (डिएसपी) सन्तु जयसवालले बताए । मृतकको पहिचान भने अझै खुल्न सकेको छैन ।
डिएसपी जयसवालका अनुसार बसले पैदल यात्रीलाई ठक्कर दिएपछि रोकिनुको साटो गन्तव्यतर्फ लागिरहेको थियो ।
घटनापछि सिराहा जिल्लाबाट उक्त बसलाई नियन्त्रणमा लिइएको छ । बसका चालक, धादिङ थाक्रे गाउँपालिकाका राजेन्द्रप्रसाद प्याकुरेललाई पक्राउ गरी आज बिहान पाँच बजे महोत्तरी ल्याइएको छ ।
हाल घटनाबारे थप अनुसन्धान भइरहेको प्रहरीले जानकारी दिएको छ ।
