वीरगञ्ज, पर्सा – वीरगञ्जवासीका लागि ठूलो राहतको खबर आएको छ। सर्वोच्च अदालतले नारायणी अस्पतालको नयाँ भवन निर्माणका लागि भएको विवादित टेण्डर प्रक्रिया रद्द गरेको छ।
नारायणी अस्पतालको भवन निर्माणमा देखिएका कानुनी समस्या र विवादका कारण परियोजना लम्बिंदै आएको थियो। यसैक्रममा सर्वोच्च अदालतले पुरानो टेण्डर प्रक्रिया रद्द गर्ने आदेश दिएपछि अब नयाँ प्रक्रिया अगाडि बढाउन बाटो खुलेको छ।
भवन विभागले छिट्टै नयाँ टेण्डर आह्वान गरी अस्पतालको निर्माण कार्यलाई अघि बढाउन सक्नेछ। वीरगञ्जवासीलाई गुणस्तरीय स्वास्थ्य सेवाका लागि प्रतीक्षित नयाँ अस्पताल भवन निर्माणले गति लिने आशा गरिएको छ।
नयाँ भवन निर्माणले स्वास्थ्य सेवामा सुधारको अपेक्षा
नयाँ भवन बनेपछि क्षेत्रीय स्वास्थ्य सेवा अझ प्रभावकारी र सहज हुने विश्वास लिइएको छ। यो निर्णयसँगै स्थानीय स्तरमा निर्माण प्रक्रिया चाँडै सुरु हुने र यसले रोजगारका अवसरहरू पनि सिर्जना गर्ने अनुमान गरिएको छ।
