वीरगंज, ६ साउन । वीरगंजमा ई-रिक्सा चार्ज गर्ने क्रममा करेन्ट लागेर एक जनाको मृत्यु भएको छ। मृत्यु हुनेमा वीरगंज महानगरपालिका वडा नम्बर २४ निवासी २६ वर्षीय जाहिर अंसारी रहेको प्रहरीले जनाएको छ ।
आफ्नै घर अगाडि ई-रिक्सा चार्जमा लगाउने क्रममा करेन्ट लागेर उनी गम्भीर घाइते भएका थिए । उनलाई उपचारका लागि वीरगंजस्थित तराई अस्पतालमा लगिएकोमा उपचारकै क्रममा मृत्यु भएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ ।
