वीरगञ्ज । सर्लाहीको हरिपुर नगरपालिका-१ जानकीनगर टोलमा सडक निर्माणका लागि डोजरले खनेको खाल्डोमा जमेको पानीमा डुबेर एक बालकको ज्यान गएको छ ।
मृत्यु हुनेमा स्थानीय दिनेश यादवका ६ वर्षीय छोरा सुशान्त यादव छन् ।
जिल्ला प्रहरी कार्यालय सर्लाहीका अनुसार मङ्गलवार बिहान १० बजेपछि खेल्ने क्रममा सुशान्त हराएका थिए ।
परिवार र स्थानीयले खोजी गर्दा राति ११ बजे घरबाट करिब पाँच सय मिटर दक्षिण पूर्वमा रहेको पानी जमेको खाल्डोमा उनको शव फेला परेको थियो ।
प्रहरीले घटनाको विस्तृत अनुसन्धान गरिरहेको जनाएको छ ।
