आयुर्वेदमा बेसारलाई निकै फाइदाजनक खानेकुरा मानिन्छ । भान्सामा सहजै पाइने बेसार मानव स्वास्थ्यका लागि पनि धेरै लाभकारी मानिन्छ ।
जाडोमा मात्रै नभइ गर्मी मौसममा पनि बेसार खानु फाइदाजनक छ । बेसार सेवन गर्नाले गर्मी, डिहाइड्रेसन र मौसम परिवर्तनबाट पनि बच्न सकिन्छ । आज हामी गर्मी मौसममा बेसार खाँदा केकस्तो फाइदा हुन्छ भन्नेबारे जानकारी दिन गइरहेका छौँ ।
छाला र हाडजोर्नीको समस्यामा राहत
गर्मी मौसममा अत्यधिक तापका कारण छाला सुन्निने, छालामा दाग देखा पर्ने र जोर्नी दुख्ने समस्या हुन सक्छ । बेसारमा एन्टी–इन्फ्लामेटरी गुणहरू रहेका हुन्छन् । यसले छाला सुन्निने र जोर्नी दुख्ने समस्या कम गर्न मद्दत गर्दछ । आफ्नो आहारमा बेसार समावेश गर्नाले जोर्नीमा कडापन महसुस हुने र मांसपेशी दुख्ने समस्याका लागि फाइदाजनक हुन्छ ।
प्रतिरक्षा क्षमता वृद्धि
गर्मी मौसममा प्रायः ब्याक्टेरिया र भाइरल संक्रमणको जोखिम हुन्छ । बेसारमा हाम्रो शरीरको प्रतिरक्षा गर्ने कोषहरू रहेका हुन्छन् । बेसारले शरीरमा रहेका खतरनाक किटाणुसँग लड्ने क्षमता बढाउँछ । बेसारले किटाणुसँग लडेर शरीरको प्रतिरक्षा प्रणाली बलियो बनाउँछ । बेसारको दूध पिउनु वा हल्का पेय पदार्थमा एक चिम्टी बेसार थपेर खाँदा मौसमी खोकी, चिसो र पाचन संक्रमणबाट बचाउन मद्दत गर्न सक्छ ।
