प्रायः मानिसहरू अल्जाइमरलाई बुढ्यौलीको असरका रुपमा लिन्छन् । तर विज्ञहरूका अनुसार मस्तिष्कसम्बन्धी गम्भीर रोगको संकेत हो । यद्दपि यसको वास्तविक कारणबारे भने अझै स्पष्ट भइसकेको छैन । तर अल्जाइमरका ५ देखि १५ प्रतिशतसम्म घटनाहरु आनुवांशिक हुन्छन् ।
अल्जाइमरका प्रारम्भिक लक्षणहरू हल्का हुन सक्छन्, तर तिनीहरूलाई बेवास्ता गर्नु ठूलो गल्ती हुन सक्ने चिकित्सकहरु बताउँछन् । अल्जाइमरले स्मरणशक्तिलाई मात्र असर गर्दैन, तर विस्तारै सोच, समझ र व्यवहारलाई पनि असर गर्छ । त्यसैले समयमै उपचारको लागि लक्षणहरु पहिचान गर्नु महत्त्वपूर्ण हुन्छ ।
अल्जाइमर कसरी हुन्छ?
अल्जाइमर एक गम्भीर अवस्था हो, जसमा मस्तिष्कमा असामान्य प्रोटीन एमाइलोइड प्लेक र टाउ ट्याङ्गलहरू जम्मा हुन थाल्छन् । यससँगै, स्नायु प्रणालीको सम्बन्ध टुट्न थाल्छ । जस कारण मस्तिष्क सामान्य गतिविधिहरू गर्न पनि असमर्थ हुन्छ ।
अल्जाइमरको प्रारम्भिक लक्षण
–यसका सामान्य लक्षणहरूमा नयाँ जानकारी बिर्सनु, एउटै कुरा बारम्बार सोध्नु, वा महत्त्वपूर्ण मितिहरू बिर्सनु लगायतका संकेत छन् ।
–खेलका नियमहरू बिर्सनु वा परिचित ठाउँमा जान समस्या हुनु पनि एक लक्षण हुन सक्छ ।
–दिन, मिति वा मौसम भन्न नसक्नु, वा तिनीहरू कहाँ छन् भनेर बिर्सनु ।
–पढ्न गाह्रो हुनु, दूरी सही रूपमा निर्धारण गर्न वा रङहरू पहिचान गर्न गाह्रो हुनु ।
– सही शब्दहरू फेला पार्न समय निकाल्नु, वस्तुहरूको गलत नामकरण गर्नु वा सञ्चार गर्न कठिनाइ हुनु ।
– सामान कहाँ राखेको छ भनेर बिर्सनु वा आफ्नो काम बारम्बार जाँच गर्नु।
– पैसाको दुरुपयोग गर्नु वा व्यक्तिगत सरसफाइलाई बेवास्ता गर्नु ।
– साथीहरू, शौकहरू वा कामबाट अचानक अलग हुनु ।
– विशेष गरी अपरिचित ठाउँहरूमा डिप्रेसन, डर वा चिडचिडापन जस्ता परिवर्तनहरू देखिनु ।
माथि दिइएका जानकारीहरु: विभिन्न अध्ययनका निष्कर्ष र जर्नलमा प्रकाशित सामग्रीबाट लिइएको हो । यसकारण तपाईंमा पनि यस्ता समस्या देखिएका छन् भने विशेषज्ञसँग सल्लाह लिनु आवश्यक हुन्छ ।
